Naxçıvan Muxtar Respublikası Ali Məclisi Sədrinin 17 fevral 2011-ci il tarixli sərəncamı ilə Naxçıvan Muxtar Respublikası Ali Məclisinin Naxçıvanşünaslıq Mərkəzi yaradılmışdır.
     


   2 fevral-Gənclər Günü
  30.1.2014

   30 yanvar 2014-cü il tarixində kitabxanada 2 fevral-Gənclər gününə həsr edilmiş "Gənclər gələcəyimizdir" mövzusunda oxucu konfransı keçirildi. Tədbiri giriş sözü ilə kitabxananın direktoru, tarix üzrə fəlsəfə doktoru Aytəkin Qəhrəmanova açaraq bildirmişdir ki,Azərbaycan xalqının ümummilli lideri Heydər Əliyev həmişə gənc nəslə böyük qayğı göstərmişdir. Azərbaycanı gənclər ölkəsi, gəncləri ölkəmizin gələcəyini quracaq böyük qüvvə hesab edən ulu öndər gənclər siyasətini ölkənin prioritet istiqamətlərindən biri hesab etmişdir. Dahi rəhbərin gənclər siyasəti bu gün ölkə Prezidenti cənab İlham Əliyev tərəfindən uğurla davam etdirilir. Məhz bu siyasətin mahiyyət və keyfiyyətcə yeni mərhələdə uğurlu davamının nəticəsidir ki, gənclərimiz böyük nailiyyətlərə imza atırlar. Dövlət gənclər siyasəti muxtar respublikamızda da uğurla reallaşdırılır. Gənclərin sağlam mühitdə böyümələri və vətənpərvər ruhda tərbiyə edilmələri, yüksək səviyyədə təhsil almaları, onların cəmiyyətdə layiqli yer tutmaları üçün ardıcıl tədbirlər həyata keçirilir. Kütləvi iş şöbəsinin müdiri Yeganə Rüstəmova "Ölkəmizdə gənclər siyasəti uğurla həyata keçirilir" adlı məruzə ilə çıxış etdi. Sonra kitabxanaçı Jalə Kəngərli "Heydər Əliyev və gənclər siysəti", kitabxanaçı Turanə Nurməmmədova "Müasir dövrdə gənclərə göstərilən qayğı" adlı mövzularla çıxış etdilər. Tədbirə fəal, gənc oxucular dəvət edilmişdir. Tədbirdə 34 nəfər iştirak etdi.