Naxçıvan Muxtar Respublikası Ali Məclisi Sədrinin 17 fevral 2011-ci il tarixli sərəncamı ilə Naxçıvan Muxtar Respublikası Ali Məclisinin Naxçıvanşünaslıq Mərkəzi yaradılmışdır.

Azərbaycan Silahlı Qüvvələri Günü

24.6.2013

24 iyun 2013-cü il tarixində kitabxanada 26 iyun-Azərbaycan Silahlı Qüvvələri Gününə həsr edilmiş konfrans keçirildi.Tədbiri giriş sözü ilə kitabxananın direktoru, tarix üzrə fəlsəfə doktoru Aytəkin Qəhrəmanova açdı.O, bildirdi ki, bu gün Qafqazda ən müasir ordu hesab olunan Azərbaycan Milli Ordusu Hərbi Hava və Hava Hücumundan Müdafiə, Hərbi Dəniz və Quru qoşunlarından ibarətdir. MDB çərçivəsində Azərbaycan hava hücumundan müdafiə qüvvələrinə malik ən güclü ölkələrdən sayılır.Büdcə vəsaiti ildən-ilə artırılan Azərbaycan Silahlı Qüvvələrinin buna müvafiq olaraq hərbi imkanları da genişlənir.Elmi işlər üzrə direktor müavini Rahilə Məmmədova "Unudulmaz tarixi gün" adlı məruzə ilə çıxış etdi.O,öz çıxışında Naxçıvan Muxtar Respublikası Ali Məclisi Sədrinin qayğısı ilə hərbi hissələrin maddi-texniki təminatının möhkəmləndirilməsi, əsgəri-məişət yaşayış komplekslərinin tikilməsi, zabit ailələrinin mənzil məişət şəraitinin yaxşılaşdırılması,şəxsi heyətin döyüş və mənəvi hazırlığının əhəmiyyətli dərəcədə artırılması haqqında məlumat verdi.Sonra məruzə ətrafında çıxışlar oldu. Baş kitabxanaçı Leyla Qənbərova "Ordu güc rəmzi, sarsılmazlıq simvoludur", qeydiyyat bölməsinin müdiri Fəridə Heydərova "26 İyun-Azərbaycan Respublikası Silahlı Qüvvələri günü" adlı mövzularla çıxış etdilər.Tədbirə fəal oxucular dəvət edilmişdir.Tədbirdə 32 nəfər iştirak etdi. Tədbirin sonunda Azərbaycan Silahlı Qüvvələri Gününə həsr edilmiş sərgiyə baxış keçirildi.

ELEKTRON ARXİV