Naxçıvan Muxtar Respublikası Ali Məclisi Sədrinin 17 fevral 2011-ci il tarixli sərəncamı ilə Naxçıvan Muxtar Respublikası Ali Məclisinin Naxçıvanşünaslıq Mərkəzi yaradılmışdır.

"Qalib gəldi, qalib getdi" adlı kitabın təqdimatı

21.6.2013

21 iyun 2013-cü il tarixində kitabxanada ümummilli lider Heydər Əliyevin anadan olmasının 90 illiyi münasibətilə şair-publisist Vaqif Məmmədovun "Qalib gəldi, qalib getdi" adlı 6 cildlik miniatür kitab dəstinin təqdimetmə mərasimi keçirildi. Tədbiri giriş sözü ilə kitabxananın direktoru, tarix üzrə fəlsəfə doktoru Aytəkin Qəhrəmanova açdı. Kütləvi iş şöbəsinin müdiri Yeganə Rüstəmova Vaqif Məmmədovun həyat və yaradıcılığı haqqında geniş məlumat verdi.NDU-nun “Azərbaycan tarixi” kafedrasının müdiri, tarix elmləri doktoru, professor Zəhmət Şahverdiyev “Qalib gəldi, qalib getdi” adlı kitabın ayrı-ayrı cildləri haqqında məlumat verdi. Naxçıvan Muxtar Respublikası Yazıçılar Birliyinin sədri, Naxçıvan Muxtar Respublikası Ali Məclisinin deputatı Asim Yadigar müəllifin yaradıcılıq fəaliyyəti haqqında danışdı.Naxçıvan Dövlət Universiteti “Beynəlxalq münasibətlər” kafedrasının dosenti, tarix üzrə fəlsəfə doktoru Elbrus İsayev müəllif haqqında xatirələrini danışdı.Naxçıvan MR Mədəniyyət və Turizm Nazirliyinin nümayəndəsi Əli Rzayev “Qalib gəldi, qalib getdi” adlı kitabın gələcək nəsillər üçün böyük əhəmiyyətindən danışdı.Böyük kitabxanaçı Vəsilə Cəfərova “Qalib gəldi, qalib getdi” adlı şeiri bədii qiraət etdi.Tədbirin sonunda şair-publisist Vaqif Məmmədova söz verildi. O, bütün tədbir iştirakçılarına və çıxış edənlərə öz təşəkkürünü bildirdi. Tədbirdə 50 nəfər iştirak etdi.Tədbirin sonunda müəllifin əsərlərindən ibarət stolüstü sərgiyə baxış keçirildi.

ELEKTRON ARXİV