Naxçıvan Muxtar Respublikası Ali Məclisi Sədrinin 17 fevral 2011-ci il tarixli sərəncamı ilə Naxçıvan Muxtar Respublikası Ali Məclisinin Naxçıvanşünaslıq Mərkəzi yaradılmışdır.

Azərbaycan Respublikasının Dövlət Müstəqilliyi Günü

14.10.2015

14 oktyabr 2015-ci il tarixində kitabxanada Azərbaycan Respublikasının Dövlət Müstəqilliyi Gününə həsr edilmiş "Müstəqilliyimiz əbədidir" adlı konfrans keçirilmişdir. Tədbiri giriş sözü ilə kitabxananın direktoru, tarix üzrə fəlsəfə doktoru Aytəkin Qəhrəmanova açmışdır. Böyük kitabxanaçı Nuriyyə Cəfərova "Müstəqillik xalqımızın ən böyük sərvətidir" adlı məruzə ilə çıxış etmişdir.Naxçıvan Muxtar Respublikası Mədəniyyət və Turizm Nazirliyi aparatının kitabxana işi üzrə aparıcı məsləhətçisi Aygün Hüseynova "Azərbaycan Respublikasının Dövlət Müstəqilliyi Günü", kitabxanaçı Turanə Quliyeva "Müstəqilliyimiz əbədidir,dönməzdir və sarsılmazdır", Naxçıvan Universiteti, tarix fakultəsinin III kurs tələbəsi Pürüz Qasımova "18 Oktyabr-Müstəqillik Günü" adlı mövzularla çıxış etmişdir. Məruzə və çıxışlarda bildirilmişdir ki, 1991-ci il oktyabrın 18-də Azərbaycanın dövlət müstəqilliyi uzun illərdən sonra yenidən bərpa edilib. 1993-cü ildə ölkədə siyasi çəkişmələrin, vətəndaş qarşıdurmasının, milli iğtişaşların gücləndiyi bir dövrdə yenidən siyasi hakimiyyətə gələn ümummilli lider Heydər Əliyev siyasi sabitlik və həmrəyliyi bərqərar etməklə Azərbaycanı dövlət müstəqilliyini itirmək təhlükəsindən xilas edib. Çıxışlarda dünya şöhrətli siyasətçi, ümummilli lider Heydər Əliyevin XX əsrin sonlarında ölkədə siyasi sabitliyin yaradılmasındakı, beynəlxalq əlaqələrin inkişafındakı əvəzsiz xidmətlərindən, Azərbaycanın bu gün həm siyasi, həm də iqtisadi cəhətdən dünyanın qüdrətli dövlətlərindən birinə çevrilməsindən, iqtisadi artım tempinə görə nəinki regionda, həm də dünyada lider mövqeyə çatmasından, Naxçıvandan başlanan milli qurtuluş hərəkatından, ümummilli liderin Naxçıvan Muxtar Respublikası Ali Məclisinin Sədri kimi Azərbaycan xalqının ictimai-siyasi həyatında, tarixi müqəddəratında mühüm əhəmiyyət kəsb edən siyasi qərarlar qəbul etməsindən, Azərbaycan Respublikasının Prezidenti cənab İlham Əliyevin müstəqil Azərbaycanın tərəqqisinə xidmət edən uğurlu siyasətindən bəhs olunmuşdur.Tədbirin sonunda elektron lövhədə slayda, "Ümummilli lider Heydər Əliyev və Naxçıvan" adlı videofilmə və "Müstəqilliyimiz əbədidir" adlı sərgiyə baxış keçirilmişdir.Tədbirə Naxçıvan Muxtar Respublikası Mədəniyyət və Turizm Nazirliyi aparatının kitabxana işi üzrə aparıcı məsləhətçisi Aygün Hüseynova, Naxçıvan Universitetinin müəllim və tələbə heyəti dəvət edilmişdir.Tədbirdə 40 nəfər iştirak etmişdir.

ELEKTRON ARXİV